តាកែវ ÷ ប្រភពពីប្រជាពលរដ្ឋក្នុង ភូមិគោអង្គគង់ ឃុំពោធិ៍ រំចាក ស្រុកព្រៃកប្បាស បានបញ្ជាក់ឲ្យដឹងថា ល្បែងបញ្ជាល់មាន់ តាមអនឡាញជាច្រើនទីតាំង កំពុងបេីកលេងយ៉ាងពេញបន្ទុក អ្នកចាញ់ឈានទៅដល់លក់ គោ ក្របី ឬលក់មេមាន់ក្រាប បន្តយកទៅចាក់ថែមទៀត អ្នកញៀនល្បែងទាំងក្មេង ទាំងចាស់ លេងយ៉ាងច្រេីនកុះករ បែរជាអាជ្ញាធរពាក់ពន្ធ័ក្នុងមូលដ្ឋានមានសមត្ថកិច្ច មិនចាត់វិធានការបង្រ្កាប ប្រហែលជាបុគ្គលរូបនោះមានខ្នងបង្អែករឹងមាំនៅពីក្រោយទេីបហ៊ានធ្វេីអ្វីៗតាមអំពេីចិត្ត។
មជ្ឈដ្ឋានខាងក្រៅរិះគន់ ចំៗទៅលេី លោក មេប៉ុស្តិ៍នគរបាលរដ្ឋបាល ឃុំពោធិ៍រំចាក និងសមត្ថកិច្ចពាក់ព័ន្ធនគរបាលស្រុកព្រៃកប្បាស ព្រមទាំងសមត្ថកិច្ចពាក់ព័ន្ធខេត្តតាកែវ បណ្ដែតបណ្ដោយឲ្យមានល្បែងអនឡាញ ភ្នាល់ចាក់លុយលេងសុីសងខុសច្បាប់បេីកលេងយ៉ាងពពាក់ពពូនក្នុងភូមិគោអង្គគង់ មិនទាន់ចាត់វិធានការបង្រ្កាប ឲ្យស្របតាមគោលនយោបាយ ភូមិឃុំ មានសុវត្ថិភាព ៧ចំណុច ដែលដាក់ចេញដោយក្រសួងមហាផ្ទៃនោះទេ។
ហេតុនេះលោក ឈាង ផាន់ណា ស្នងការដ្ឋាននគរបាលខេត្តតាកែវ មិនគួរមេីលរំលងភាពអសកម្ម របស់លោកមេប៉ុស្តិ៍នគរបាលរដ្ឋបាលឃុំពោធិ៍រំចាក ព្រមទាំង លោក អធិការដ្ឋាននគរបាលស្រុកព្រៃកប្បាស បណ្ដែតបណ្ដោយឲ្យមានល្បែងបញ្ជាល់មាន់ឆ្នោតឡូតូ តាមអនឡាញរីកដូចផ្សិត ក្នុងដែនដីរបស់ខ្លួនឡើយ។
ប្រជាពលរដ្ឋ រស់នៅភូមិគោអង្គគង់ ឃុំពោធិ៍រំចាក ស្រុកព្រៃកប្បាស អំពាវនាវដល់ ដល់ថ្នាក់ដឹកនាំក្រសួងមហាផ្ទៃ និង លោក អ៊ូច ភា អភិបាលខេត្តតាកែវ ព្រមទាំង លោក ឈាង ផាន់ណា ស្នងការដ្ឋាននគរបាលខេត្តតាកែវ មេត្តាចាត់មន្រ្តីក្រោមឱវាទចុះត្រួតពិនិត្យ ល្បែងបញ្ជាល់មាន់ឆ្នោត ឡូតូតាមអនឡាញ ជាច្រេីនកន្លែងក្នុងខេត្តតាកែវ ជាបន្ទាន់ ដេីម្បី ពង្រឹងសន្តិសុខសង្គមជូនពលរដ្ឋក្នុងមូលដ្ឋាន៕
